QKUK’ja njofton se gjashtë persona të shtrirë në Infektivë janë në gjendje kritike. 42 pacientë po mbahen nën përkujdesje intensive. 85 nga 100 pacientët janë të infektuar me Covid – 19.
Qendra Klinike Universitare e Kosovës ka lëshuar njoftim rreth situatës në Klinikën Infektive. Sipas njoftimin, 85 të infektuar me Covid -19 janë të shtrirë aty.
Sipas njoftimin 42 persona po trajtohen me oksigjenoterapi dhe janë nën kujdesin intensiv. Gjashtë prej tyre janë në gjendje kritike.
Komunikata e plotë:
Në raportin e datës 24.06.2020 të Klinikës Infektive në QKUK, bëhet e ditur se në klinikë janë të shtrirë 100 raste.
Prej tyre të sëmurë me Covid-19 janë gjithsej 85 raste.
42 raste janë duke u trajtuar ne reparte me oksigjenoterapi dhe përkujdesje intensive.
Ne repartin e Mjekimit Intensiv janë duke u trajtuar 6 raste në gjendje kritike.
Sot nga klinika do të lirohen 8 raste të shëruara nga infeksioni me Covid-19 si dhe 2 raste ende pozitive, por në gjedje stabile.
Në njësinë intensive tek objekti i Mjekësisë Sportive janë 3 pacientë, 1 i intibuar dhe 2 me CPAP.
Në Klinikën e Pulmologjisë dhe Dermatologjisë janë të shtrirë 22 raste të dyshuara me Covid-19 dhe 4 raste me Covid-19 pozitiv
që pritet të transferohen në Klinikën Infektive.
