Komisioni Rregullator për Energjetikë (KRRE) informon se ka sjellë vendim që çmimi i shitjes me pakicë të ekstra vajit të lehtë për amvisëri (El-1) të arrijë 51,5 denarë për një litër.

Nga KRRE thonë se këtë është harmonizuar ndryshimi i Dekretit me fuqi ligjore për zbatim të ligjit për akcizat gjatë gjendjes së jashtëzakonshme, të cilin e miratoi Qeveria, përcjell Telegrafi Maqedoni.

“KRRE dhe shërbimet e ujit nga vetë fillimi prej kur u hap debati për akcizat është me qëndrim të qartë se është e domosdoshme të barazohet akciza e vajit të lehtë për ngrohje, përkatësisht e a.q. nafta e kuqe, me dizelin që të mbrohet mjedisi jetësor. Analizat tona tregojnë se ky derivat përdoret në sasitë më të mëdha drastike nga nevoja reale, që sërish është tregues se për shkak të çmimit të ulët, derivati edhe pse është me qëllim të shfrytëzohet për ngrohje, keqpërdoret dhe përdoret për transport, me çka krijohet konkurrencë jolojale ndërsa edhe më pak mjete shkojnë në buxhet”, deklaroi kryetari i KRRE-së, Marko Bislimovski.

Sipas strukturës në konsum të derivateve të naftës në tregun vendor, në vitin 2019 derivatet dizel marrin pjesë me 68.50 përqind, benzinat e parrezikshme me 11.02 përqind, mazuti me 7.70 përqind dhe gazi i lëngshëm i naftës 7.80 përqind.

Pastaj vijojnë vaji ekstra i lehtë (EL-1) me 4,73 për qind, bionafta 0,19 dhe derivati reaktiv me 0,06 për qind.