Në vendin tonë sot janë shëruar 38 persona duke çuar në 1 mijë e 18 raste të shëruarve.
“Sot më 20 qershor 2020, janë shëruar 38 pacientë derisa numri i përgjithshëm i të shëruarve deri më sot është gjithsej 1018 raste”, thuhet në njoftimin e IKSHPK-së.
Për më shumë se katër muaj mbi 21 mijë persona janë testuar si të dyshuar me koronavirus, prej tyre 2 mije e 73 raste kanë rezultuar pozitiv.
“Nga data 08 shkurt deri më 20 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 21.078 persona të dyshimtë në virusin SARS-CoV-2 dhe prej tyre pozitive rezultojnë gjithsej 2.073 raste”.
Sipas IKSHPK-së në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetizolim dhe të kërkojnë ndihmë mjekësore nëse kanë simptome.
Deri më sot zyrtarisht 35 pacientë kanë vdekur si pasojë e COVID-19 në Kosovë.
