I dërguari i posaçëm i Bashkimit Evropian për dialogun Kosovë-Serbi, Miroslav Lajçak ka mbajtur një konferencë për media, pas takimeve të zhvilluar në vend me liderët partiak, raporton Front Online.

“Unë e pranoj dhe e respektoj rolin e mediave për një shoqëri demokratike. Do të jem sa më transparent në proceset e ardhshme”, ka thënë ai

Lajcaku përcjelli mesazhin se 27 vendet e BE-së janë të gatshëm që të ndërmjetësojnë për zgjidhjen e konfliktit në mes të Kosovës dhe Serbisë.

“27 vendet e BE e dërguan një sinjal të rëndësishëm për të më mandatuar mua për një proces të tillë. Jam i gatshëm që të fillojmë dialogun e ndërmjetësuar nga Be-ja dhe ti ndihmojë vendet që të arrijnë një marrëveshje që do të hetë si e pranueshme dhe në të mirë për vendet e rajonit dhe të BE-së”, ka thënë tutje Lajcak, raporton më tujte Front Online.

Ndërmjetësuese i BE-së për dialogun ka thënë gjatë konferencës se politika në Kosovë do të jetë e bashkuar për dialogun me Serbinë.

“Në takimet e mija kam theksuar që dialogu duhet të jetë i bashkuar me politikën. Biseduam edhe për hapat e ardhshëm dhe datat e procesit. Jam i kënaqur me gatishmërinë e bashkëbiseduesve të mi për dialogun”, ka thënë Lajcaku.

Lajçak theksoi se shpreson që dialogu do të fillojë së shpejti.

“Pres që dialogu të fillojë së shpejti dhe për këtë do të flas edhe në javën e ardhshme me presidentin Vuçiq, në takimin që do ta kem në Beograd”, ka thënë ai.

Lajcak ka theksuar se nga Kosova po largohet me sigurinë që vendi është i gatshëm për vazhdimin e dialogut.

Po largohem nga Kosova me bindjen që kjo do të ndodh. Kosova është pjesë e Evropës. Sukseset tuaja janë edhe tonat, ashtu siç edhe problemet tuaj janë tonat”, ja thënë ai. /FrontOnline/

https://www.facebook.com/FrontOnlineMedia/videos/1631609973661274/