Bashkimi Europian propozon qe vendet e pasura të negociojnë me kompanitë farmaceutike dhe të parapaguajnë për zhvillimin e vaksinave kundër koronavirusit.
Sipas presidentes së Komisionit Ursual Von Der Leyen, kështu do të shmanget gara mes superfuqive për vaksinën.
Bashkimi Europian kërkon të bindë partnerët e vet ndërkombëtarë për të blerë bashkërisht vaksinat kundër koronavirusit të ri.
“Kur luftojnë një pandemi globale nuk ka vend të themi “unë i pari”. Evropa nuk është një ishull i veçuar. Ekonomitë tona janë të ndërlidhura,” tha ajo.
Një samit global mbi strategjitë e vaksinave është planifikuar të zhvillohet më 27 qershor pas një fushate për mbledhjen e fondeve të domosdoshme për zhvillimin dhe blerjen e vaksinës për vendet më të varfra.
