Në përvjetorin e dytë të nënshkrimin të Marrëveshjes së Prespës, ambasada amerikane në Maqedoninë e Veriut e vlerëson këtë marrëveshje si historike.

“Kjo marrëveshje, bashkërisht me përpjekjet e vendit për të zbatuar reforma kritike, zhbllokoi rrugën drejt anëtarësimin në NATO dhe fillimit të bisedimeve me BE-në”, shprehen nga ambasada.

Nga ambasada shtojnë se me këtë marrëveshje ka rritur stabilitetin, sigurinë dhe prosperitetin në vend dhe në rajon dhe se në këto kohëra të papara, të kesh partner të fuqishëm është e paçmueshme.

“Marrëveshja e Prespës shërben si model për botën, duke demonstruar se si t’i lëmë anash dallimet në të kaluarën për një të nesërme më të mirë’, thonë nga ambasada amerikane.