Instituti Kombëtarë i Shëndetësisë Publike (IKSHPK), ka rekomanduar dje mbylljen e disa sektorëve, pas shfaqjes së rasteve me Coronavirus në to, raporton Front Online.

“Duke pasur parasysh se në javën e fundit kemi rritje të rasteve pozitive që në intensitet krahasohen me mesin e muajit prill dhe kemi raste te punëtorët e organizatave publike e private, si Posta e Kosovës, KEK, KEDS, Galeria e Arteve, institucione bankare, shëndetësore, agjensione, kompani tregtare dhe biznese private, rekomandojmë Ministrinë e Shëndetësisë të mbyllen sektorët ku ka raste pozitive dhe të gjitha rastet pozitive dhe kontaktet e tyre të mbahen në vetizolim, ndërsa BARTJA E MASKAVE MBETET OBLIGATIVE!”, ka rekomanduar dje IKSHPK-ja.

Në ndërkohë dje në Kosovë janë konfirmuar edhe 49 raste të reja me Coronavirus. Numri i përgjithshëm i të prekurve me këtë virus ka shkuar në 1 mijë e 486 të infektuar me teksa 500 raste janë aktive.

Kujtojmë që të shëruar nga Coronavirusi janë 953 persona, teksa janë shënuar edhe 33 raste të vdekjes nga ky virus. /Front Online