Kryetari i Federatës së Sindikatave të Shëndetësisë së Kosovës, Blerim Syla, tha se nuk është dashur që të organizohet tubimi i Vetëvendosjes për të festuar 15 vjetorin e themelimit të partisë dhe 21 vjetorin e çlirimit të Prishtinës.

Ai tha se kjo u bë kundër rekomandimeve të organizatave shëndetësore botërore, njofton Klan Kosova.

“Kush do ta merr përgjegjësinë për përhapjen e Covid-19? A është është turp i paparë dhe një moskulturë shëndetësore? Turp kush është çka po bën sot?”.

“E kanë shkelë të drejtën themeltare të profesionalizmit shëndetësor. E përhapin virusin në mënyrë të pakontrolluar. Një parti politike pa ndërgjegje me një moral të ulët shëndetësor organizon një tubim të tillë”.

Derisa avokati Tomë Gashi, që ishte në mysafir në Info Magazine, tha se në këto deklarata të Sylës ka ngjyrime politike, por ai e mohoi.

“Tomë Gashin nuk e konsideroj si ekspert të mjekësisë. S’ka të drejtë morale për të gjykuar bindjet e mia politike. Në moment që dikush e ka thirrur një protestë të tillë – ju sot dhe organizatorët e kanë rrezikuar seriozisht shëndetin publik të qytetarëve të Kosovës. Nuk kanë mundur t’i edukojnë protestuesit”.

Syla tha se edhe Qeveria e kaluar e Kurtit edhe kjo aktualja e Hotit kanë dështuar në menaxhimin e trajtimit të pandemisë.