Pacientët me koronavirus pa simptoma nuk janë shkaktarë për përhapjen e koronavirusit, sipas Organizatës Botërore të Shëndetit, duke hedhur dyshime në shqetësimet e disa studiuesve se virusi mund të jetë i vështirë për t’u mbajtur nën kontroll për shkak të rasteve asimptomatike.

“Në bazë të të dhënave që kemi, një person pa simptoma rrallë e transmeton virusin tek një person tjetër”, tha ajo.

Sipas saj, të dhënat e OBSH-së bazohen në raportet e vendeve që monitorojnë në detaje kontaktet e të infektuarve, përfshirë rastet asimptomatike.

Van Kerkhove tha po ashtu se njerëzit që nuk kanë simptoma të sëmundjes që e shkakton koronavirusi, COVID-19, shpesh e kalojnë më lehtë atë.

“Sikur t’i kishim vëzhguar të gjitha rastet simptomatike, t’i kishim izoluar ato, t’i kishim monitoruar kontaktet dhe t’i kishim vendosur në karantinë, do të kishim zvogëluar në mënyrë drastike transmetimin e koronavirusit”, tha Van Kerkhove.