Deputetja e LDK-së, Besa Gaxherri, ka kërkuar nga deputetët e Lëvizjes Vetëvendosje që të lënë vajtimet, siç i ka quajtur ajo, pasi janë larguar vetë.

“Falë Zotit ju z. Hoti e keni durimin e botës. Këtu dëgjon gjithçka, por jam shumë e sigurt që ti e ke seriozisht që Kosovës t’i japësh siguri të plotë në këtë krizë vërtetë shumë të madhe, qoftë pandemike, ekonomike dhe politike. Megjithatë ne LDK me partnerët dhe në krye me ju jemi shumë të sigurt se do t’i dalim përballë qytetarëve të Kosovës – dhe pa vajtuar”.

“Kolegë të nderuar, deri dje partner, do t’iu lusja që të lëni broçkullat dhe vajtimet. Keni ik prej përgjegjësisë, askush nuk ju ka heq nga aty. Kosova s’ka kohë me i prit lojërat e juaja. Kush mendon se mund të bëjë çka të dojë hiqet dhe pushon, ata që janë më serioz vazhdojnë”.

Ajo në seancën e sotme ka propozuar që Qeveria e Kosovës të lidhë kontrata me kompanitë e sigurimit për mbulimin e sigurimit shëndetësor për viktimat e dhunës seksuale gjatë luftës në Kosovë.

“Kam dal ta ngris një çështje tejet të ndjeshme dhe të dhimbshme. Le të fillojmë me kategoritë që janë anashkaluar deri tash. Në emër të LDK-së propozoj që urgjentisht të gjenden format ligjore që të gjitha viktimat e dhunës seksuale gjatë luftës të pajisen me kartelat e sigurimit shëndetësor. Qeveria duhet të lidhë kontratë me kompanitë e sigurimit që të kenë pakon e plotë të sigurimit shëndetësor. I ftoj kompanitë e sigurimit shëndetësor në Kosovë që kanë rastin të kenë nderin që të bëhen donatorë të këtyre viktimave, por kontrata duhet të bëhet me Qeverinë – sepse, garant i këtyre viktimave duhet të jetë Qeveria e Kosovës”.

https://www.facebook.com/FrontOnlineMedia/videos/1145343755830391/?eid=ARBKqDtKxcMPcuv8sOODrxm307ZWKxh9kYDpkCh1bl8var8qqckZ8Pi98gGFsLBtSiT1J4PbwwEkr9uZ