Gjyshja 53-vjeçare dhe i dashuri i saj janë arrestuar nga autoritetet e Dallas së Teksasit në SHBA, pasi policia gjeti një djalë gjashtë vjeçar të mbyllur brenda një kasolle në vendbanimin e gruas.
Sipas mediave të huaja, Esmeralda Lira dhe i dashuri i saj, Jose Balderas, janë akuzuar për rrezikun e shkaktuar.
Policia arriti në vendin e ngjarjes paraditen e së dielës, pasi mori telefonata se djali ishte mbyllur në një kasolle të vogël.
E pyetur për vendndodhjen e të riut, Lira u shpjegoi autoriteteve se nipi i saj ishte me nënën e tij, ndërsa më pas i dashuri i saj tregoi se ku ishte i fshehur gjashtë vjeçari.
Me udhëzimin e policisë, Lira u detyrua të hapte derën e kasolles e që më pas djali u gjet brenda me duart e lidhura pas shpinës.
Sipas saj, gjashtë vjeçari gjendej brenda pas një ndëshkimi, andaj Balderas i tha policisë se i riu ishte i mbyllur për dy javë brenda për vjedhje të ushqimit.
