Hiç më pak se 4 mijë e 550 euro pritet t`i kushtojë komunës së Prishtinës furnizimi me rroba mbrojtëse shumë përdorimshe për siguri të punëtorëve të pastrimit dhe dezinfektimit në fazën emergjente, raporton “Front Online.

Në tenderin e shpallur me 8 maj nga kjo komunë, e i cili ka të bëj me furnizim me këto rroba të nevojshme për punëtorët gjatë kësaj periudhe të pandemisë, është theksuar se procedura e tenderimit është e negociuar pas publikimit të njoftimit për kontratë, teksa po në njoftim është theksuar se kriter i dhënies së kontratës për operatorin ekonomik është çmimi i ulët.

E fitues i këtij tenderi doli të jetë OE “Safir-Com” Sh.p.k, të cilit kontrata i`u dha me 8 maj të këtij vitit, pra në të njëjtën ditë edhe kur u shpall tenderi.
Sipas njoftimit nga komuna për këtë tender ka aplikuar vetëm kjo kompani me çmimin e vetëm 4 mijë e 550 euro. / Front Online