Anëtari i kryesisë së AAK-së Visar Ballovci, ka thënë se është duke marrë sulme e fyerje nga aktivistë të Lëvizjes Vetëvendosje dhe mbështetës të kryeministrit në largim Albin Kurti.
Ballovci që njëherësh është edhe ish i burgosur politik, ka kërkuar nga Albin Kurti që t’i kërkojë falje publike për sulmet që sipas tij i janë bërë mbrëmë nga mbështetësit e LV-së, pas emërimit të tij si anëtar kryesie i partisë së Ramush Haradinajt.
Ballovci thotë se më Kurtin kanë qenë edhe shokë të burgut dhe se për vuajtjet e tij atje, është dëshimtar edhe vet kryeministri.
Postimi i plotë i tij:
Të nderuar miq mbrem kam par shumë,reagime kam marr shumë mesazhe e komente fyejse.
Si i i burgosur politik, e si i keqëtrajtuar nga policet e Millosheviçit nuk jam ndjer asnjeherë me keq se mbrëm nga sulmet e aktivistave të shokut tim të Burgut Albin Kurtit.
Pas shumë rrahjeve që i kam pasur, dhe goditjeve të rënda me kan shkaktuar probleme me shikimin, e që ato probleme i vuaj ende. Ju kam nënshtruar shumë operacioneve, operacionin e fundit e kam pasur në Gjermani falë ndihmës së Daut Haradinaj.
Për krejt kto vuajtje e kam dëshmitarë edhe Albinin, prandaj sot pres kërkim falje nga aj, dhe i lutem që të e ndal sulmin ndaj vlerave ose përndryshe më lindin dyshimet prap për të, njëjt si qysh më linden kur atë e liruan e as nje kime floku nuk ja dëmtuan.
Me rrespekt Visar Ballovci i burgosur politik!
