Lidhja Demokratike e Kosovës do të mbajë sot konferencë për media nga selia e partisë në orën 14:00.

Një gjë të tillë e kanë konfirmuar nga zyra për media e partisë që drejton Isa Mustafa.

“Sot (e shtunë), më datë 2 maj 2020, në orën 14:00, Lidhja Demokratike e Kosovës mban konferencë për medie, në senlinë qendrore”, thuhet në njoftim.

Një konferencë e tillë e LDK’së vjen pas zhvillimeve të djeshme dhe vendimit të Gjykatës Kushtetuese në favor të kërkesës së Lëvizjes Vetëvendosje për vendosjen e masës së përkoshme që rezultoi me pezullimin e dekretit të Thaçit deri më 29 maj.

Kreu i LDK’së, Isa Mustafa, kishte deklaruar dje se do të respektojnë në përpikmëri çdo vendim të Gjykatës Kushtetuese.

Një vendim i tillë i Gjykatës Kushtetuese ka bërë që seanca e planfikuar sot për zgjedhjen e Avdullah Hotit kryeministër të shtyhet, ndërkohë i gjithë procesi do të marrë epilog vetëm pas vendimit përfundimtar të Kushtetueses.

Lëvizja Vetëvendosje konteston veprimet e Thaçit që çuan drejt nominimit të kandidatit të LDK’së për kryeministër.

Sipas partisë që drejton Kurti, zgjedhjet e reja janë rruga e vetme pas rrëzimit të qeverisë dhe se nominimi i Avdullah Hotit është antikushtetues.