Një 23 vjeçar nga Prizreni ka ndërruar jetë dje, si pasojë e plagëve që ka marrë nga një sulm më thikë, njofton Klan Kosova.
Në raportin 24 orësh të policisë thuhet se dy të dyshuar janë arrestuar në lidhje me rastin dhe janë dërguar në mbajtje, ndërsa trupi i pajetë i viktimës është dërguar në IML për obduksion.
“Raportohet se dy persona meshkuj kosovarë (viktima dhe dëshmitari), ishin ndaluar nga dy persona të dyshuar meshkuj kosovarë, ku njëri nga ta e kishte goditur me mjet të mprehtë (thikë) viktimën”.
“Viktima është dërguar në spitalin rajonal, por si pasojë e plagëve të rënda ka ndërruar jetë. Në vendin e ngjarjes kanë dal njësitet përkatëse policore si dhe prokurori kompetent i cili ka urdhëruar që të bëhet konfiskimi i veturës së të dyshuarve”.
“Në lidhje me rastin është bërë arrestimi i dy të dyshuarve meshkuj kosovarë dhe të njëjtit janë dërguar në mbajtje, ndërsa trupi i pajetë i viktimës është dërguar në IML për obduksion”, thuhet në raport të policisë.
