Universiteti Johns Hopkins në Shtetet e Bashkuara të Amerikës, qendra për statistikat globale për koronavirusin, ka bërë të ditur se mbi një milion njerëz janë shëruar nga COVID-19.

SHBA-ja ka numrin më të madh të të shëruarve 153.947 persona dhe e dyta është Gjermania me 123.500 të shëruar, raporton DW.

Në mbrëmjen e 30 prillit në qindra protestues (disa me armë) kanë hyrë në një ndërtesën Capiton në shtetin e Michiganit të SHBA-së duke i kërkuar guvernatores të këtij shteti, Gretchen Whitmer, t’i lehtësojë masat. Ndërkaq, në kryeqytetin e Gjermanisë, në Berlin, policia lokale ka pranuar 20 kërkesa për tubime publike për shënimin e ditës ndërkombëtare të punëtorëve, ndërsa policia ka bërë të ditur se nuk do të tolerojë tubime me mbi 20 persona.

Në nivel global mbi 3 milionë e 250 mijë persona janë konfirmuar si të infektuar me koronavirus sipas Johns Hopkins. Të vdekur, sipas tyre, janë të regjistruar janë mbi 233 mijë.

Ndërkaq në Greqi janë duke u mbajtur protesta në Ditën Ndërkombëtare të Punëtorëve. Autoritetet iu kanë bërë thirrje protestuesve ta respektojnë distancën sociale.