Serbët lokalë në tri komunat veriore kanë vazhduar edhe sot protestat e tyre në ditën e pestë të protestave. Kaq kohë ka edhe kryetari i Leposaviqit, Lulzim Hetemi, i cili po qëndron në objektin e komunës.
Ai po qëndron brenda zyrës së tij me disa pjesëtarë të Policisë. Ndërkohë jashtë objektit kanë protestuar një numër më i vogël i protestuesve, të cilët dëgjuan këngë nacionaliste.
Shumica e tyre janë shpërndarë pak para orës 15:00.
Protestuesit nuk po zmbrapsen nga kërkesat e tyre. Kërkesat e tyre janë që këta kryetarë të tërhiqen.
