Sipas mediave, Lionel Messi pret vetëm Barcelonën që të bëjë një lëvizje në këtë merkato verore. Kontrata e argjentinasit me PSG, skadon në fundin e këtij sezoni dhe ai bëhet një lojtar i lirë.
Por me fitimin e Kupës së Botës, klubi parizien i paraqiti “Pleshtit”, kontratën për të qëndruar dhe 1 vit më shumë në kryeqytetin francez. Pavarësisht zërave që e lidhin Messin me një rikthim në Barcelonë ose me një kalim në Arabi ose SHBA, i vetmi propozim konkret është nga klubi francez.
Nga ana tjetër mediat shtojnë se Messi është në pritje të katalanasve pavarësisht se klubi duhet të rikuperojë një shifër tepër të lartë rreth 200 milionë euro që të firmosë me lojtarë të rinj dhe t’i federojë ata.
Messi është i gatshëm të rikthehet sërish në Barcelonë, aty ku emri i tij gdhendet me “gërma të arta”, megjithatë shifrat e operacionit, mund të rrezikojnë edhe dështimin e tij. /SS/