×
  • Lifestyle
  • Lifestyle

    5 mënyra për të marrë më shumë përgjegjësi në punë

    FrontOnline
    31 Korrik 2020

    Pavarësisht nëse jeni duke e bërë punën tuaj në mënyrën më të mirë të mundshme, gjithmonë ka më shumë mundësi për t’u rritur profesionalisht dhe personalisht.

    Mos lejoni të futeni në zonën e rehatisë sepse një gjë e tillë do t’ju dëmtojë shumë në karrierë. Sado sfiduese që mund të jetë, marrja e përgjegjësive të reja ju ndihmon të bëni progres brenda vendit ku punoni.

    Këtu mund të gjeni pesë këshilla se si mund të merrni më shumë përgjegjësi në vendin e punës:

    Flisni me punëdhënësin tuaj

    Hapi i parë që duhet të ndërmerrni është të takoheni me punëdhënësin apo menaxherin tuaj dhe të shihni se në çfarë projektesh shtesë mund të përfshiheni. Cekni qëllimet e juaja në karrierë dhe tregoni se ku e shihni veten brenda kompanisë. Do te ishte mirë nëse keni disa ide në mendje, se ku mund të merrni më shumë përgjegjësi dhe t’ia sugjeroni punëdhënësit tuaj. Nëse e dini që ka mundësi ku mund të ndihmoni brenda kompanisë, paraqituni si vullnetar për të ndihmuar.

    Ndihmoni kolegët që janë më të zënë / kanë më shumë angazhim

    Një tjetër formë për të marrë më shumë përgjegjësi në punë është t’i ndihmoni kolegët të cilët kanë më shumë punë. Ofroni ndihmë qoftë në departmentin ku punoni apo në departamentet e tjera. Sidoqoftë, mos rrezikoni të merrni përgjegjësi të reja, pra të ndihmoni në punë të tjera, duke lënë anash punët e juaja primare.

    Bëhuni profesionistë

    Merrni pjesë nëpër trajnime, kurse, seminare të cilat mund t’ju ndihmojnë të perfeksiononi njohuritë në fushën tuaj. Përvetësoni njohuri të reja vazhdimisht dhe informohuni rreth zhvillimeve të reja në fushën tuaj. Kur bëheni ekspert në fushën tuaj, gjasat janë më të larta që të keni mundësi për të marrë më shumë përgjegjësi dhe për tu përfshirë në projekte të reja.

    Identifikoni mundësitë që i shërbejnë klientit dhe biznesit tuaj

    Kërkoni mundësi aty ku ajo që dëshironi të bëni përputhet edhe me prioritetet e biznesit. Mos harroni se para se të kërkoni të merrni përgjegjësi, duhet të mendoni edhe se si këto përgjegjësi mund të japin rezultate pozitive për kompaninë ku punoni.

    Demonstroni aftësitë e juaja

    Ndonëse jo shpeshherë e mendojmë, ne paguhemi kur jemi të mirë në punën që e bëjmë. Nuk mund të kërkoni përgjegjësi të reja nëse nuk jeni të mirë në punën aktuale. Personat që ju japin përgjegjësi të reja do të duan të jenë të sigurtë se ju do të jepni rezultate pozitive. Kur jeni të mirë në punën e parë që bëni, punëdhënësi apo menaxheri nuk do të kenë dyshime për t’ju kaluar edhe përgjegjësi të reja./AkademiPune/

    Juliana: E kuptoj që e kam lëndu djalin dhe e marr mbi supet e mia këtë (VIDEO)
    Nga Rubrika
    Lifestyle02 Mars 2024
    Më shumë shkollim mund të lidhet me jetëgjatësinë, sipas një studimi të ri nga Shkolla e Shëndetit Publik të Mailman të Universitetit...
    Lifestyle01 Mars 2024
    Sipas një studimi të botuar në revistën ‘Circulation: Heart Failure të Shoqatës Amerikane të Zemrës’, sa më afër dyqaneve ushqimore të jetojmë...
    Lifestyle29 Shkurt 2024
    Shumë njerëz mbështeten në hapa qetësues për sëmundje dhe lëndime të ndryshme. Problemet e zakonshme si dhimbja e kokës, dhimbjet e shpinës...
    Të tjera
    Lajme03 Mars 2024
    Kryeministri Albin Kurti, priti sot në takim antropologen, Janet Reineck. Në njoftimin e lëshuar nga Qeveria e Kosovës thuhet se Reineck është...
    Sport03 Mars 2024
    Pep Guardiola ka lartësuar Phil Foden në qiellin e shtatë pas paraqitjes brilante në fitoren 3-1 të Manchester Cityt përballë Manchester United...
    Lajme03 Mars 2024
    Zëdhënësi i Dhomave të Specializuara të Kosovës në Hagë, Michael Doyle ka treguar se këtë vit do të përfundoj në shkallë të...
    Bota/Rajoni03 Mars 2024
    Një seri shpërthimesh kanë tronditur Krimenë, pas një sulmi të raportuar me dron ukrainas në gadishullin i cili u aneksua nga Rusia...
    Bota/Rajoni03 Mars 2024
    NATO ka filluar në Detin Mesdhe një stërvitje masive kundër nëndetëseve. Operacioni pranë brigjeve të Siçilisë është bërë edhe më urgjent për...
    Lajme03 Mars 2024
    Kryeshefi ekzekutiv i Kompanisë Rajonale të Ujësjellësit (KRU) në Gjakovë, Hasan Krasniqi, është arrestuar në një pikëkalim kufitar në perëndim të Bullgarisë...

    FrontOnline, © 2024 Të gjitha të drejtat e rezervuara.