Që nga fillimi i pandemisë Covid-19, 588 pjesëtarë të Policisë së Kosovës janë infektuar me Coronavirus, raporton Front Online.

Prej tyre 9 kanë humbur jetën, teksa 42 zyrtarë policorë janë ende duke luftuar me këtë virus.

“588 pjesëtarë të PK-së janë te infektuar me COVID 19, 42 janë raste aktive me COVID-19 dhe 9 pjesëtarë të PK-së kanë ndërruar jetë si pasojë e infektimit me COVID-19”, është bërë e ditur në përgjigjet e PK-së, dhënë për Front Online.

Në ndërkohë që nga fillimi i pandemisë për Coronavirus janë testuar 63 mijë e 208 persona, e ku 15 mijë e 208 prej tyre kanë rezultuar pozitiv me virus.

Poashtu gjatë kësaj periudhe janë regjistruar edhe 615 raste të vdekjes, teksa numri i rasteve aktive është 1 mijë 778. /Front Online