Gjatë ditës së sotme në Kamenicë një grua 34 vjeçare dyshohet se u vra nga burri i saj rreth 42-vjeçar. Motivet e këtij rasti të rëndë ende nuk dihen.
Ngjarja ka ndodhur rreth orës 13:20 të pasditës së sotme në fshatin Berivojcë të Kamenicës.
Megjithëkëtë, lajmin për këtë ngjarje e ka konfirmuar për Express, zëdhënësi i Policisë së Kosovës, Bajram Krasniqi.
Ai tha se i dyshuari i moshës 42-vjeçare është arrestuar nga policia.
“Sot, më 25.07.2020, rreth orës 13:20, policia është njoftuar për një vrasje në fshatin Berivojcë të Kamenicës. Dyshohet se një mashkull (rreth 42 vjeçar), ka vrarë gruan e tij (rreth 34 vjeçare). Njësitet policore i janë përgjigjur vend-ngjarjes, është arrestuar i dyshuari, është njoftuar prokurori dhe po vazhdon kompletimi i rastit nga hetuesit policorë”, tha Krasniqi.
Express do ju mbaje te informuar.
