Autoritetet maqedonase kanë bërë të ditur se brenda 24 orëve janë regjistruar 13 viktima dhe 63 raste të reja me koronavirus.
Në 24 orët e fundit nga 529 teste të kryera, 63 persona rezultuan pozitiv ndaj COVID-19 në Maqedoninë e Veriut.
Më së shumti raste të reja janë konfirmuar në Shkup 42, Kumanovë 3, Tetovë 2, Prilep 2, Ohër 2, Strumicë 2, Probishtip 2, etj.
Ndërkohë 13 persona humbën betejën me COVID-19, prej tyre pesë nga Shkupi (69, 72, 77, 66 dhe 66), dy nga Velesi (66 dhe 80), tre nga Struga (74, 87 dhe 73), një pacient nga Kratova (52), një nga Krusheva (79) dhe një nga Demir Kapija (62). Pacientët vdiqën në spital.
Sot, Instituti i Shëndetit Publik (ISHP) regjistroi 176 pacientë të kuruar nga Covid-19./AlsatM
