Alumini në deodorant është një nga polemikat e pazgjidhura – ndërsa disa pretendojnë se është i dëmshëm, të tjerë pretendojnë se mund të përdoret pa pasoja.

Alumini është një përbërës shumë i zakonshëm në deodorantët pasi kontribuon në një ulje afatshkurtër të sekretimit të djersës. Ndërsa deodorant pa alumin maskon vetëm erën e djersës, alumini përkohësisht mbyll poret dhe parandalon sekretimin e djersës nga trupi.

Përveç kësaj, deodorantët me alumin pengojnë bakteret që shkaktojnë një erë të pakëndshme, duke minimizuar kështu erën e djersës.

Ka studime të ndryshme mbi ndikimin negativ të aluminit në shëndet. Rezultatet e një studimi të botuar në Journal of Inorganic Biochemistry sugjerojnë një lidhje të mundshme midis përdorimit të deodorantit antidjersë që përmbajnë alumin dhe zhvillimit të kancerit të gjirit.

Aktualisht ka mendime të ndryshme në lidhje me këto pasoja të mundshme të përdorimit të deodorantëve që përmbajnë alumin. Disa ekspertë në bashkësinë shkencore pretendojnë se alumini është i dëmshëm, ndërsa të tjerët i hedhin poshtë këto pretendime.