Distanca jo. E veç kësaj as masat tjera nuk u respektuan.
Por pavarësisht këtyre veprimeve, Policia e Kosovë nuk ka iniciuar asnjë rast ndaj qytetarëve të shumtë të cilët u mblodhën mbrëmë në Abi Çarshia në Prizren.
Kështu të paktën ka lënë të kuptohet raporti 24 orësh i Policisë së Kosovës ku nuk figuron asgjë në lidhjet me tubimet në këtë qendër.
Lidhur me pjesëmarrjen e madhe të njerëzve në këtë qendër ka reaguar sot edhe kryeministri, Avdullah Hoti.
“Mbrëmë ka pasur grumbullim të madh të qytetarëve në disa qendra, që është në kundërshtim me masat e ndërmarra nga Qeveria, të rekomanduara nga IKSHP dhe profesionistët shëndetësorë. Në gjithë atë masë të njerëzve është e sigurt se ka pasur të prekur me COVID-19, që mund të jenë pa simptoma. Kushdo që ka qenë prezent aty, me gjasë e ka marrë virusin. Kjo nënkupton se në dy javët në vijim, qindra qytetarë që do të kërkojnë trajtim në spitale nga po të njëjtit mjekë, këshillat e të cilëve nuk po i respektojnë”, ka shkruar Hoti.
