Sekretari i OVL-UÇK-së, Faton Klinaku, ka zbardhur bisedën e sotme telefonike me zyrtarët e Gjykatës Speciale.

Këta të fundit kanë kontaktuar sot Klinakun, duke e pyetur nëse ai e njeh gjuhën gjermane apo atë angleze.

“Gjykata nuk më ka bërë ftesë. Vetëm më kanë thirrur në telefon dhe më kanë pyetur nëse flas gjuhën gjermane. Iu përgjigja se po, porse nuk dua të flas. Më pyetën nëse flas gjuhën angleze, iu thash se e flas, por nuk dua të flas as në gjuhën angleze dhe më thirrni me përkthyes, sepse gjuha ime amtare është gjuha shqipe. Sa e kam kuptuar, më kanë thënë të nënshkruaj diçka, por iu kam thënë se nuk e njoh këtë gjykatë”, ka thënë Klinaku përmes telefonit për KosovaPress.

Ai po ashtu bëri të ditur se nga thirrja e parë, më nuk është kontaktuar nga zyrtarët e Speciales