×
  • Lajme
  • Lajme

    Zyrtari i PDK-së thirrje AAK-së e NISMA-s: Ejani të bashkohemi në një parti

    FrontOnline
    25 Korrik 2020

    Thirrjeve të Fatmir Limajt dhe Ramush Haradinajt drejtuar PDK’së që të hyjë në Qeveri i janë përgjigjur zyrtarë të Partisë së Kadri Veselit. Arben Gecaj po e thërret Ramush Haradinajn e Fatmir Limajn të bëhen bashkë në një subjekt politik,

    Ramush Haradinaj dhe Fatmir Limaj kanë marrë një ofertë publike nga PDK’ja si përgjigje ndaj kërkesave që Partia e Kadri Veselit të hyjë në Qeverinë e Avdullah Hotit.

    Arben Gecaj, zyrtar i PDK’së, ka thënë se zgjidhje më e mirë është bashkimi i AAK’së, NISMA’s dhe PDK’së në një subjekt të vetëm.

    “AAK e Nisma, sa shpenzojne energji e mund per ta bind PDK- ne me hy ne qeveri, me mire eshte t‘i bashkohen PDK- se si nje subjekt i vetëm”, ka shkruar Gecaj, në një përgjigje në Fb.

    Fatmir Limaj një natë më parë tha se e ka takuar Kadri Veselin dhe Isa Mustafën për të shqyrtuar mundësinë e përfshirjes së PDK’së në Qeveri.

    Ramush Haradinaj ka thënë se pashmangshëm se PDK do të bëhet pjesë e Qeverisë pasi s’ka shumë alternativa tjera.

    PDK ndodhet aktualisht në opozitë dhe është partia e tretë në nivel Kosove.

    Arben Gecaj ka shpalosur edhe strategjinë se si duhet të veprojnë së bashku tri partitë e themeluara nga ish-udhëheqësit kryesorë të UÇK’së. Ka thënë se duhet të synojnë udhëheqjen e komunave të mëdha përfshirë Kryeqytetin.

    “Tri partite me baze te forte ne komuna te vogla e me deputet kryesisht nga periferia, ne te ardhmen duhet te punojne ne etablim ne komuna te medha, e gjithesesi ne Prishtine. Krejt kjo, sepse LDK e VV deget ne Prishtine e Kryesi Qendrore i kane edhe pari te partisë”, ka shtuar ai.

    Gecaj e ka shpjeguar edhe më tutje se pse partitë e dala nga UÇK’ja duhet të udhëheqin Prishtinën.

    “Prishtina e ka dasht UCK- ne, e disa komandant me pak ate, pasojat i shohim sot. S‘ke parti nese nuk e ke ne kryeqytet. Eshte rregull ky, nese deshiron me udheheq vendin, e jo provincën”, ka shtuar ai.

    PDK është themeluar menjëherë pas përfundimit të luftës. Deri më 2016 kjo Parti është udhëhequr prej Hashim Thaçit ndërsa aktualisht e drejton Kadri Veseli.

    AAK është themeluar më 2002, kur Ramush Haradinaj grumbulloi afër vetes disa parti të vogla, të cilat pastaj u zhdukën nën ombrellën e Aleancës.

    Fatmir Limaj, ndërkaq, themeloi NISMA’n për Kosovën pasi prishi raportet me Hashim Thaçin dhe Kadri Veselin.

    NISMA e Limajt ka shënuar rezultate të këqija në zgjedhjet e fundit, me ç’rast mezi kaloi pragun duke qenë bashkë edhe me miliarderin Behgjet Pacolli.

    NISMA dhe AAK ndodhen aktualisht në Qeverinë e drejtuar nga LDK’ja derisa po presin që të ketë zgjerim të koalicionit nëse do të ketë zhvillime të reja nga Haga ku është duke u shqyrtuar një aktakuzë ndaj Thaçit e Veselit për krime luftë. Është përmendur se nëse konfirmohen aktakuza do të hyjë PDK në Qeveri dhe do të bëhet edhe një marrëveshje për Presidentin e ri.

    Nga Rubrika
    Lajme28 Maj 2025
    Sistemi Prokurorial ka njoftuar se Koordinatori Kombëtar për Luftimin e Krimit Ekonomik, Kujtim Munishi, është takuar me kryesuesin e Këshillit Gjyqësor të...
    Lajme28 Maj 2025
    Kryetari i Aleancës për Ardhmërinë e Kosovës, Ramush Haradinaj, ka pritur sot në Gllogjan një delegacion të Ushtrisë Shqiptare, të përbërë nga...
    Lajme28 Maj 2025
    Organizata e Veteranëve të Luftës së Ushtrisë Çlirimtare të Kosovës, kanë reaguar ndaj një deklarate të fundit të bërë nga kryetarja e...
    Të tjera
    Lajme28 Maj 2025
    Oda Ekonomike e Kosovës ka bërë të ditura detajet e protestës së nesërme që do të bllokojë hyrje-daljet kryesore në kryeqytet. Lokacionet...
    Lajme28 Maj 2025
    Kryetari i Odës Ekonomike të Kosovës, Lulzim Rafuna, ka folur për protestën që nesër do të mbajnë bizneset në vend për dy...
    Lajme28 Maj 2025
    Besim Kelmendi, ushtrues i detyrës së Kryeprokurorit të Shtetit, tha se sistemi prokurorial dhe prokurorët janë vazhdimisht në ‘thumb’ të deklaratave ndërhyrëse...
    Lajme28 Maj 2025
    Prokurori i Shtetit do të parashtrojë kërkesë për caktimin e masës së paraburgimit ndaj të dyshuarit Burhan Mavriqi për sulmin fizik ndaj...
    Bota/Rajoni28 Maj 2025
    Elon Musk ka thënë se është i zhgënjyer me koston e projektligjit të politikave të miratuar nga republikanët e Dhomës së Përfaqësuesve...
    Lajme28 Maj 2025
    Korrupsioni përbën rrezik jo vetëm për ligjin dhe ekonominë, por edhe për sigurinë kombëtare. Kështu kishte shpallur midis Parisi ish-kryeministri Kurti, por...
    -->

    FrontOnline, © 2025 Të gjitha të drejtat e rezervuara.