Përfaqësuesja e Zvicrës e ka nisur me fitore kampanjën e sivjetme në Kampionatin Botëror “Katar 2022”, raporton FrontOnline.
Helvetikët në krye me Granit Xhakën dhe Xherdan Shaqirin u përballën me Kamerunin në kuadër të grupit G.
Ndeshja që u zhvillua në “Al Janoub Stadium” i takoi Zvicrës me rezultat minimal, 1:0.
Golin e vetëm dhe të fitores për Zvicrën e shënoi futbollisti me prejardhje nga Kameruni, Breel Embolo në minutën e 48-të pas asistimit të Xherdan Shaqirit.
Dhuroi asistim ndaj Kamerunit, Xherdan Shaqiri e regjistron një super-statistikë
Të dyja skuadrat kishin raste tjera deri në fund, por që në fund ndeshja u mbyll me rezultat 1:0 në favor të Zvicrës.
Ndryshe, te Zvicra në bankën rezervë nga fillimi e deri në fund ishte edhe futbollisti tjetër shqiptar, Ardon Jashari./FrontOnline/