Zemaj takon këngëtarët dhe përfaqësuesit e sallave

Ministri i Shëndetësisë, Armend Zemaj, ka takuar përfaqësuesit e estradës, gastronomisë e bizneseve që lidhen me organizimin e dasmave, të cilët protestuan sot në Prishtinë

Përmes një postimi në Facebook, Zemaj ka thënë se nëse respektohet “Manuali për mbrojtje nga përhapja e virusit COVID-19” do të takohet sërish me ta.

“Sot deklarova se nëse do të respektohet “Manuali për mbrojtje nga përhapja e virusit covid-19” sërish ditëve në vijim do t’i takoj përfaqësuesit e sallave të dasmave për të diskutuar kërkesat e tyre dhe së bashku të ndërmarrim hapat e mëtutjeshëm, gjithnjë sipas rekomandimeve të IKSHPK”, ka shkruar Zemaj.

I pari i Shnëdetësisë ka thënë se është kundër çdo zgjidhje selektive.

Ai po ashtu ka deklaruar se nuk do të ketë rikthim të gjendjes së mëparshme.

“Deklarova se jam kundër çdo zgjidhje selektive për bizneset dhe se s’do të ketë rikthim të gjendjes së mëparshme. Sikurse jam i gatshëm që 24 orë në ditë të mbajë derën e hapur për përfaqësuesit e bizneseve të sallave të dasmave, që këta të shohin angazhimet maksimale që po bën ministria në luftën kundër covid-19”, ka thënë Zemaj.

“Petrol Company” ul çmimet për 15 %. Ja sa kushton një litër naftë

Sponsoruar