Te infektuar: 14.027 Sheruar: 10.431 Vdekur: 556

Zëdhënësi i VV’së për marrëveshjen e Uashingtonit: Është e dëmshme dhe e rrezikshme

Lajme
Gazeta Express06/09/2020 19:20
Zëdhënësi i Lëvizjes Vetëvendosje, Përparim Kryeziu, ka thënë se delegacioni i Kosovës ka gabuar me largimin nga përdorimi të termit “Republikë”.

“Ky është një gabim fillestar që Kosova vazhdimisht e ka bërë në nënshkrimin e marrëveshjeve. Eliminimi i termit “Republikë”, dhe referimi i saj me vetëm Kosovo (Pristina) në dokumente zyrtare është kërkesë ekskluzive e Serbisë. Ajo, përmes kësaj forme arrin që as mos ta diskutojë subjektivitetin ndërkombëtar të Kosovës në dokumente në të cilat është palë”, është shprehur ai.

“Pikërisht duke iu referuar Kosovës pa emërtimin republikë, ajo e trajton atë vetëm si territor, shtrirje gjeografike ose njësi administrative. Në këtë mënyrë, Serbia arrin ta mirëmbajë çështjen e Kosovës si çështje të brendshme të saj”, shkroi ai në Facebook.