Qyteti Wuhan në Kinë, ku është origjina e Covid-19, nuk ka më asnjë rast të hospitalizuar.

Lajmi është bërë i ditur nga autoritetet shëndetësore të vendit.

“Lajmi i fundit është se më 26 prill, numri i pacientëve me koronavirus në Vuhan ka qenë zero, falë përpjekjeve të përbashkëta të stafit mjekësor”, tha zëdhënësi i Komisionit të Shëndetit Kombëtar të Kinës, Mi Feng.

Vuhani ka raportuar 46 mijë e 452 raste me koronavirus, apo 56 për qind të totalit në Kinë, dhe 3 mijë e 869 viktima, apo 84 për qind të totalit kombëtar.

Vuhani dhe provinca ku ndodhet ai, Hubei, janë izoluar në fund të janarit për më shumë se dy muaj.

Qyteti vazhdon t’i testojë banorët, pavarësisht daljes nga izolimi.

Koronavirusi besohet se e ka origjinën në një treg kafshësh në Vuhan.

Rastet e para të të infektuarve atje janë raportuar në fund të vitit të kaluar.

Që atëherë janë përhapur në mbi 180 vende të botës; afro tre milionë njerëz janë infektuar dhe mbi 207 mijë kanë vdekur.