×
  • Lajme
  • Lajme

    Weber: Prokurori u frikësua se Thaçi synon të negociojë amnisti

    FrontOnline
    24 Qershor 2020

    Bodo Weber, analist nga Berlini, njëherësh njohës i zhvillimeve në Ballkan, tha se publikimi i aktakuzës së Prokurorisë Speciale ndaj presidentit të Kosovës, Hashim Thaçi, ka qenë një gjë “e pritshme dhe e papritshme”.

    Duke folur për Radion Evropa e Lirë, ai tha se të gjitha përpjekjet e Thaçit për marrëveshjen për shkëmbimin e territoreve me Serbinë, tash e tre vjet, “kanë qenë treguesi më i mirë se ai do të akuzohej”.

    Weber tha se vendimi i Prokurorisë Speciale për të publikuar aktakuzën ka lidhje me takimin e planifikuar në Uashington, midis përfaqësuesve të Kosovës dhe Serbisë, më 27 qershor.

    “Kjo duket se i konfirmon edhe informacionet në prapavijë se që nga fillimi i negociatave është intervistuar disa herë nga përfaqësuesit e Prokurorisë, për të cilat, ndryshe nga politikanët e tjerë në Kosovë, nuk e ka informuar publikun. Sidoqoftë, lëshimi i pazakontë i informacionit mbi aktakuzën para konfirmimit nga Gjykata sugjeron se kjo është e lidhur me raundin e bisedimeve të së shtunës në Shtëpinë e Bardhë dhe frikën e prokurorit që presidenti Thaçi synon të negociojë një lloj amnistie”, tha Ëeber.

    Ai është i mendimit se duhet pritur dhe parë se çfarë ndërlikimesh do të ketë kjo për vazhdimin e dialogut, për takimin në Uashington dhe për samitin e planifikuar në Paris.

    “Aktorët perëndimorë kanë qenë të vetëdijshëm me vite se momenti kur publikohen aktakuzat mund të jetë një pengesë e rëndësishme për dialog. Gjykuar nga reagimi i fundit ndaj një deklarate të këshilltarit të ish-kryeministrit [Albin] Kurti për krimet e luftës, të kryera nga shqiptarët e Kosovës, nuk do ta përjashtoja mundësinë që pala kosovare t’i braktisë të dyja takimet”, tha Ëeber, duke shtuar se, megjithatë, presidenti Thaçi duket se është tashmë në rrugë për në Uashington.

    Me ftesë të përfaqësuesit të posaçëm të Shtëpisë së Bardhë në dialogun Kosovë-Serbi, Richard Grenell, presidenti i Kosovës, Hashim Thaçi, dhe ai i Serbisë, Aleksandar Vuçiq, janë thirrur për takim në Uashington më 27 qershor.

    Presidenti Thaçi e ka anuluar vizitën, ndërsa palën kosovare do të përfaqësojë kryeministri Avdullah Hoti.

    Tre ditë para këtij takimi, Zyra e Prokurorit të Specializuar në Hagë ngriti aktakuzë në Dhomat e Specializuara të Kosovës kundër Hashim Thaçit, Kadri Veselit, si dhe personave të tjerë, emrat e të cilëve Zyra e Prokurorisë nuk i ka publikuar.

    Aktakuza prej dhjetë pikësh thotë se ata akuzohen për “krime kundër njerëzimit dhe krime lufte, përfshirë vrasje, zhdukje me detyrim, persekutim dhe tortura”.

    Aktakuza pretendon se Thaçi, Veseli dhe të dyshuarit e tjerë në aktakuzë janë përgjegjës për afro 100 vrasje.

    Njoftimet nga KEDS për punimet në rrjet, vendet që do të mbesin pa rrymë
    Nga Rubrika
    Lajme15 Qershor 2024
    Njohës të çështjeve politike në vend e kanë kritikuar kryeministrin e Kosovës, Albin Kurti dhe atë të Shqipërisë, Edi Rama lidhur me...
    Lajme15 Qershor 2024
    Një nga premtimet kryesore të qeverisë Kurti në sektorin e shëndetësisë, Projektligji për Sigurimet Shëndetësore, pritet që të finalizohet dhe të dërgohet...
    Lajme15 Qershor 2024
    Kryeministri i Kosovës, Albin Kurti, merr pjesë në përurimin e Shtegut të Lirisë “Pashtriku”. Ai do të jetë i pranishëm në Has-Pashtrik...
    Të tjera
    Sport15 Qershor 2024
    Sot Shqipëria do të përballet me Italinë në “Signal Iduna Park”, stadiumin e Dortmundit, duke filluar nga ora 21:00. Pra kanë mbetur...
    Lajme15 Qershor 2024
    Instituti Hidrometeorologjik bën të ditur se sot do të mbajë mot me diell dhe vranësira të shpërndara. IHK njofton se temperaturat minimale...
    Lajme15 Qershor 2024
    Sot do të zhvillohet një aksion simbolik para objektit të ri të Spitalit në Ferizaj. Këtë aksion e kanë ndërmarrë Rinia Demokratike...
    Sport15 Qershor 2024
    Kampionati Evropian i futbollit 2024 ka filluar të premten, më 14 qershor, me ndeshjen hapëse të Grupuit A, mes nikoqires Gjermanisë dhe...
    Lajme15 Qershor 2024
    Sot do të fillojë Samiti për paqe për Ukrainën, që do të mbahet në Burgenstok të Zvicrës, ku do të marrë pjesë...
    Lajme15 Qershor 2024
    Policia e Kosovës, pas informacioneve të pranuara nga Agjencia e Kosovës për Inteligjencë, ka gjetur dhe sekuestruar dje një sasi armatimi në...

    FrontOnline, © 2024 Të gjitha të drejtat e rezervuara.