Lëvizja Vetëvendosje e konsideron qeverinë Hoti si qeveri jolegjitime dhe të paligjshme. Duke numëruar 100 ditshin e qeverisë së udhëhequr nga Avdullah Hoti, VV-ja thotë se për këto ditë kanë ndodhur nënshtrim, dështim, keqmenaxhim, regres e shumë të tjera.
“Nga qeverisja e mirë legjitime që luftonte krimin e korrupsionin, menaxhonte mirë me pandeminë dhe e nisi çkapjen e shtetit u kontrabandua një qeverisje jolegjitime e paligjshme që ju hap Serbisë, menaxhoi në mënyrë katastrofale me pandeminë dhe rifilloi kapjen e bordeve e ndërmarrjeve publike ashtu siç di vetëm klubi i politikanëve të stërvjetëruar”, thuhet në njoftimin e tyre.“100 ditë nënshtrim, dështim, keqmenaxhim, regres, dorëzim. 100 ditë jolegjitime dhe të paligjshme”, thuhet më tej.
