×
  • Lajme
  • Lajme

    Votohet nisma e PDK-së për formimin e Komisionit Hetimor Parlamentar për procesin e privatizimit

    FrontOnline
    10 Korrik 2020

    Me iniciativë të Partisë Demokratike të Kosovës, Kuvendi i Kosovës votoi sot themelimin e Komisionit Hetimor Parlamentar i cili do të hetoj dhe zbardh të gjitha privatizimet e bëra në Kosovë, në veçanti keqpërdorimet e mundshme dhe ato me lidhje politike.

    Shefi i Grupit Parlamentar të PDK-së, Bedri Hamza, gjatë paraqitjes së kërkesës për Komision Hetimor para deputetëve, tha se qëllimi i kësaj nisme është që qytetarët e Kosovës të informohen drejt për secilin privatizim që ka ndodhur në Kosovë dhe çdo lidhje politike që kanë personat që kanë privatizuar.

    Ai tha se me këtë formë do të dalin të vërtetat e sakta dhe do të largohen gjykimet e paragjykimet politike për procesin e privatizimeve.

    “Ne si Grup Parlamentar i Partisë Demokratike të Kosovës, kemi propozuar ngritjen për herë të parë të një komisioni hetimor që do të ketë për qëllim hetimin e përgjithshëm të procesit të privatizimit në Kosovë nga fillimi i tij, e deri në ditët e sotme, përkatësisht hetimin e të gjithë procesit të privatizimit të menaxhuar dhe administruar fillimisht nga Agjencia Kosovare e Mirëbesimit (AKM), pastaj Agjencia Kosova e Privatizimit (AKP), process i cili ka të bëjë me të gjithë veprimtarinë e këtij institucioni për sa i përket privatizimit të ndërmarrjeve shoqërore, ndërmarrjeve publike, duke përfshirë edhe metodat dhe procedurat e realizuara për qëllime të privatizimit”, tha Hamza.

    Kjo nismë parlamentare ishte paralajmëruar javë më parë nga kryetari i PDK-së, Kadri Veseli.

    “PDK-ja do të ndërmarrë veprime konkrete kushtetuese e ligjore brenda Kuvendit të Kosovës për këto tema, të cilat do t’i shërbejnë vetëm interesit publik dhe nxjerrjes së të vërtetës njëherë e përgjithmonë se kush janë abuzuesit e vërtetë me emër e mbiemër të këtij vendi. Këto iniciativa nënkuptojnë themelimin e Komisioneve Hetimore për Çështje më rendësi të veçantë për publikun, si dhe propozime për plotësimin dhe ndryshimin e ligjeve aktuale, duke përfshirë këtu edhe iniciativat e reja legjislative hetimore dhe gjithçka që ju mundësohet hetimeve parlamentare të pavarura e profesionale”, kishte deklaruar lideri i PDK-së, Kadri Veseli.

    Ai pati thënë se ky proces hetimor nuk është kundër bizneseve dhe qytetarëve që kanë privatizuar ndershëm. Sipas tij, PDK nuk është kundër këtij procesi madje si parti e qendrës së djathtë, e mbështet pa rezerva.

    Nga Rubrika
    Kronika27 Gusht 2025
    Një grua ka raportuar se është ngacmuar seksualisht në rrugë nga dy persona. Nuk raportohet për të arrestuar. Njoftimi: NGACMIM SEKSUAL Prishtinë...
    Lajme27 Gusht 2025
    Zëdhënësi i KQZ’së, Valmir Elezi, ka thënë se në fillim të mbledhjes, KQZ ka marrë disa vendime për decertifikim të kandidatëve që...
    Lajme27 Gusht 2025
    Ministri në detyrë i Infrastrukturës, Liburn Aliu, ka dhënë dorëheqje si Ministër, pas zgjedhjes së Dimal Bashës si Kryeparlamentar. Aliu ka thënë...
    Të tjera
    Vip27 Gusht 2025
    Modelja e njohur shqiptare, Emina Çunmulaj, po qëndron për një vizitë në Kosovë, ku po punon për finalizimin e një projekti në...
    Lajme27 Gusht 2025
    Kryetari i Lidhjes Demokratike të Kosovës, Lumir Abdixhiku, u takua me emisarin francez për Ballkanin Perëndimor, Rene Troccaz. Takimi u mbajt në...
    Ekonomi27 Gusht 2025
    Gjatë muajit korrik, importet e Kosovës kanë shënuar rritje të ndjeshme, duke reflektuar kërkesën e lartë në tregun vendor dhe varësinë nga...
    Kronika27 Gusht 2025
    Policia e Kosovës, përmes raportit të saj 24 orësh ka njoftuar se gjatë kësaj kohe, janë shqiptuar 2551 gjoba trafiku. Nga policia...
    Kronika27 Gusht 2025
    Katër zyrtarë policorë janë sulmuar fizikisht nga një person në Prishtinë. Sipas raportit policor, të njëjtit kanë pranuar tretman mjekësor. Tutje bëhet...
    Lajme27 Gusht 2025
    Në 27 vjetorin e rënies, presidentja e Kosovës Vjosa Osmani, ka kujtuar heroin Ismet Rrahmanin. Në njoftimin e Presidencës në Facebook, thuhet...

    FrontOnline, © 2025 Të gjitha të drejtat e rezervuara.