Vonesa e shtyerje, shkaku i pandemisë, nuk do të ketë.

Viti i ri akademik 2020/21 do të nisë me 1 tetor në të gjitha Universitetet publike në vend, por jo për të gjithë studentët.

Brucoshat, për të cilët shkuarja në fakultet do të jetë një përvojë e re, mbase do të duhet të presin edhe dy muaj më tepër për këtë moment.
Për këtë vonesë ka një arsye të forte, shkruan Front Online.

“Si rrjedhojë e shtyrjes së Provimit të Maturës për 29 gusht, studentët e vitit të parë do të pranohen me vonesë dhe mësimi për ta do të fillojë me një vonesë deri në dy muaj”, thuhet në komunikatën e përbashkët të Universiteteve Publike.

Por këta shkollarë para se t`i ndjekin studimet në universitetet publike, së pari duhet t`i nënshtrohen fizikisht provimeve pranuese.

E studentët e viteve tjera, dy, tre e katër, të cilët e kanë kaluar që moti një proces të tillë, vitin e ri akademik do ta nisin ashtu si e përfunduan.

Ligjëratat ata do t`i ndjekin në distancë – online, derisa për provime duhet të jenë prezentë fizikisht në ambiente të fakulteteve, shkruan Front Online.

Me këtë formë, që unanimisht e përzgjodhën të shtatë rektoret e universiteteve publike, po pajtohen ata që përfaqësojnë studentët.

Për Advan Sylën nga organizata Paqja Studentore , alternativë tjetër më të mirë, nuk ka.

“Çfarëdo vendimi tjetër do të ishte në dëm të studentëve, në rast se ishte marrë vendim që testet të mbahen online, sepse po u bie kredibiliteti atyre provimeve ose e kundërta që të mbahen ligjeratat fizikisht, do të kishte qenë rrezik për shëndetin e studentave”, u shpreh ai për Front Online.

Ky thotë se studentët kurdo që të paraqiten fizikisht këto kohë në fakultetet e tyre duhet të kenë parasysh një gjë.

“Rekomandimet e IKSHPK-së”, tha ai për Front Online.

Instutcionet akademike në Kosovë u mbyllën pak ditë para se në vend të shpërthenin rastet e para me koronavirus, me 13 mars./ Front Online