Virgin Atlantic ka fituar 1.35 miliardë euro duke u mbështetur nga sponsorët për planin e shpëtimit dhe sigurimit të së ardhmes së saj, edhe për 18 muaj së paku, si dhe i ruajti edhe 6500 vende pune.
Linja ajrore tha se mbështetësit, bankat, pronarët e avionëve dhe furnizuesit i huazuan para, duke ia mundësuar ta aprovonin këtë plan, raporton BBC.
Virgin Atlantic tha se marrëveshja u bë që “ta rindërtojmë një balancë” dhe “t’i mirëpresim pasagjerët”. Ajo pati paralajmëruar se do të mbetej pa para deri në shtator, nëse nuk do të kishte ndonjë marrëveshje.
Kompanisë tani i duhet edhe aprovimi nga Gjykata e Lartë në Londër, që do të zgjasë deri më 2 shtator.
Sikurse kompanitë tjera ajrore edhe financat e Virgin Atlantic u goditën shumë gjatë pandemisë me koronavirus, për shkak të mungesës së udhëtimeve.
Janë larguar rreth 3500 punëtorë nga stafi, por linja ajrore tha se punëtorët që kanë mbetur, duhet t’i kenë vendet e siguruara.
