Bota/Rajoni

Vetëm dy shtete të ShBA-së kanë raportuar ulje të numrit të rasteve me Covid-19

Vetëm dy shtete të ShBA-së kanë raportuar ulje të numrit të rasteve me Covid-19
16:02 | 28 Qershor 2020

Connecticut dhe Ishulli Rhode. Këto janë dy vendet e vetme në Shtetet e Bashkuara që kanë raportuar rënie të numrit të rasteve të reja me koronavirus.

Në anën tjetër, një rritje e ndjeshme e përhapjes së virusit të ri është raportuar në 39 shtete të ShBA-së, përfshirë Floridën, për të cilën ekspertët kanë paralajmëruar se mund të jetë epiqendra e re e pandemisë në shtetin më të prekur në botë.

Të shtunën, Florida i regjistroi 9,585 raste të reja të infektimeve, që ishte shifra më e lartë ditore që nga fillimi i përhapjes së koronavirusit. Ky numër i afrohet shifrës që ishte shënuar në kulmin e përhapjes në Nju Jork në fillim të prillit.

Disa diplomatë evropianë i kanë thënë televizionit CNN se amerikanët kanë pak gjasa të lejohen për të udhëtuar drejt vendeve të BE-së për shkak të numrit të madh të rasteve në Shtetet e Bashkuara, ndonëse Bashkimi Evropian do t’i rihapë kufijtë për shumë vende të tjera.

Numri i përgjithshëm i të infektuarve me Covid-19 në Shtetet e Bashkuara tashmë ka shkuar në mbi 2.5 milionë, ndërsa së paku 125,500 pacientë kanë vdekur.

Pavarësisht rrezikut nga përhapja, shumë njerëz në ShBA i kanë injoruar masat kufizuese duke marrë pjesë në protesta dhe tubime.

Ambasadorja e parë e Izraelit në Kosovë, e impresionuar me punën në Comodita

Të tjera