Front TV

Veliu thotë se Policia është shembull i përkushtimit e profesionalizmit

Veliu thotë se Policia është shembull i përkushtimit e profesionalizmit
11:32 | 04 Shtator 2020

Ministri i Punëve të Brendshme, Agim Veliu tha se Policia e Kosovës është shembull i përkushtimit dhe profesionalizimit.

Në shënimin e 21-vjetorit të themelimit të Policisë, Veliu ka shtuar se kjo po dëshmohet me punën dhe përkushtimin e treguar nga pjesëtarët e Policisë.

Ndjej kënaqësi të veçantë, privilegj por edhe kënaqësi që sot në 21-vjetorin të themelimit të Policisë së Kosovës t’i drejtohem një audience që përfaqëson kaq shumë punë, guxim dhe përkushtim në sferën e zbatimit të ligjit”.

“Sot Policia e Kosovës është ngritur në një institucion modern që është shembull për punën dhe përkushtimin, integritetin dhe profesionalizimin jo vetëm në rajon por edhe më gjerë”, ka thënë ai.

Veliu ka kujtuar edhe policët që kanë humbur jetën derisa ishin në krye të detyrës.

“Policia e Kosovës për gjatë këtyre 21 viteve ka humbur 21 pjesëtarë të saj që ishin në krye të detyrës. Jam i nderuar të jem me ju këtu sot, për të nderuar ata që kanë humbur jetën në krye të detyrës”.

“Nderojmë sot të gjithë heronjtë e vërtetë. Le të bashkohemi për të shërbyer për ta bërë vendin tonë më të ndritshëm dhe më të sigurt”.

 

https://www.facebook.com/FrontOnlineMedia/videos/246137853242177/

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera