Qeveria Hoti gjatë kësaj të hëne ka shkarkuar bordet e katër ndërmarrjeve publike, të cilat ishin emëruar nga Qeveira e kaluar e udhëhequr nga Albin Kurti.
Për këtë vendim dhe emërtimet e reja në këto borde, ka raportuar ekskluzivisht gazeta Infokus.
E në bordet e reja, Qeveria Hoti është kujdesur që me poste t’i shpërblej aktivistët e partisë.
Veç Ibër Lepencit ku drejtoreshë e ka bërë aktivisten Afërdita Llumnica, edhe një aktiviste tjetër është emëruar në një post edhe më të rëndësishëm.
Zambeze Guraziu është emëruar në postin e Kryesueses së Bordit të KRU Hidroregjionit Jugor në Prizren, shkruan gazeta Infokus.
Gazeta Infokus ka siguruar edhe fotografi të Guraziut, e cila është anëtare e Forumit të Gruas së LDK-së, me deputet të kësaj partie.
Kujtojmë që disa herë edhe nga ambasadorët e Kuintit është bërë thirrje për mospolitizim të ndërmarrjeve./Gazeta Infokus/
