Një person ka vdekur në Spitalin Rajonal të Pejës, si pasojë e plagëve të marra nga goditja e një veture.
Rasti ka ndodhur në qytetin e Pejës derisa viktima dyshohet se është goditur qëllimshëm derisa po ecte në trotuar.
Rasti është konfirmuar për Front Online nga zëdhënësi i Prokurorisë Themelore Shkodran Nikçi.
“Prokurori i krimeve të rënda dhe Policia e Kosovës me njësitet relavante janë në vendin e ngjarjes. Dyshohet se një këmbësor është goditur qëllimshëm nga një veturë. Viktima ka vdekur si pasojë e lëndimeve të shkaktuara nga goditja e veturës. I dyshuari është në kërkim nga Policia e Kosovës”, tha Nikçi për Front Online.