Në Qendrën Klinike Universitare ka vdekur një grua e cila ishte duke u trajtuar për shkak të lëndimeve që kishte marrë në një aksident trafiku para tetë mujve.
Rasti kishte ndodhur në rrugën nacionale Prishtinë-Ferizaj, më 3 maj të vitit 2021.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
“Rr. Nacionale, Prishtinë-Ferizaj 03.05.2021-11:40. Viktima femër shtetase e Maqedonisë së Veriut, e cila për shkak të aksidentit ishte duke u trajtuar në QKUK, me datë 11.01.2022 ka ndërruar jetë. Me vendim të prokurorit, trupi i pajetë i viktimës dërgohet në IML për obduksion. Rasti duke u hetuar”, ka bërë të ditur policia.
