Presioni i gjakut në fazën e mëvonshme të jetës fillon të bjerë pak, dhe kjo është rreth 14 vjet para se të ndodhë vdekja, ka treguar hulumtimi.

Shkencëtarët erdhën në këtë përfundim duke vëzhguar gjendjen shëndetësore të 46.634 britanikëve që vdiqën në moshën 60 vjeç ose më vonë, dhe në kampion ishin njerëz të shëndetshëm, por edhe ata që kishin demencë dhe sëmundje të zemrës.

Presioni i gjakut ra më shumë te pacientët me çmenduri, dështim të zemrës, humbje peshe në fund të jetës dhe ata që zakonisht kishin presion të lartë të gjakut. Reduktime afatgjata u vunë re edhe te pacientët pa asnjë nga diagnozat e sipërpërmendura.

“Kërkimi ynë hedh dritë mbi rëndësinë e monitorimit të gjendjes së pacientëve të moshuar siç shihet nga mjekët kudo. Do të isha shumë i mërzitur nëse dikush do ta interpretonte punën tonë si një motiv për të mos trajtuar hipertensionin në vitet e mëvonshme me medikamente dhe për të mos i përshkruar ato”, thotë autori i hulumtimit.

Ai shton se si mjekët ashtu edhe studiuesit duhet t’i kushtojnë vëmendje asaj se çfarë do të thotë në të vërtetë rënia e presionit të gjakut për pacientët e moshuar.

Edhe pse ka shenja të tjera që tregojnë afërsinë e vdekjes dhe shfaqen vetëm disa vite më parë, lartësia e presionit dhe të gjitha ndryshimet që lidhen me të janë treguesit më efektivë. Kjo është kryesisht për shkak se presioni i gjakut mund të matet numerikisht, matet dhe monitorohet shpesh nga mjekët, si dhe nga vetë pacientët./FrontOnline/