Zëvendësministri i Arsimit, Driton Bardheci, është ende student i vitit të tretë në Fakultetin e Inxhinierisë Mekanike. Ai ka përfunduar vitin e 3-të, por ende nuk ka diplomuar,

Kështu ka thënë për lajmi.net, dekani i Fakultetit të Inxhinierisë Mekanike, Ahmet Shala.

Shala ka thënë se Bardheci tashmë ka përfunduar vitin e 3-të në këtë fakultet, por që ende nuk ka diplomuar.

“Po, ai është student i Fakultetit të Inxhinierisë Mekanike. Ka përfunduar vitin e 3-të por nuk ka diplomuar end. Pra ka dëgjuar mësimin por diplomu nuk ka ende”, ka thënë Shala.

Kujtojmë se Driton Bardheci u zgjodh zëvendësministër nga radhët e AAK-së.

Emërimi i Bardhecit si zëvendësministër i Arsimit ka ngjallur reagime të shumta tek shoqëria civile e organizatat studentore.

Zëvendësministri, Bardheci tash e disa vite është aktivist i Aleancës për Ardhmërinë e Kosovës, njëherësh edhe kryetar i Rinisë së kësaj partie.