Në Kuvendin e Kosovës është duke vazhduar seanca e 11 qershorit ku në rend dite janë miratimi i pesë marrëveshjeve ndërkombëtare të cilat në seancën e kaluar nuk arritën të miratohen shkaku i mungesës së kuorumit.

E për këto marrëveshje është duke vazhduar një debat i ashpër në mes deputetëve të opozitës dhe atyre të pozitës.

Deputeti i LVV-së, Fitim Uka iu drejtua LDK-së që të kërkoi ndihmë te presidenti Hashim Thaçi

“Nuk e kam të qartë pse kolegët e mi nga LDK po ankohen kaq shumë kur kanë mundur fare lehtë që mbrëmë në ora 1 të natës të shfrytëzojnë opsionin telefono mikun ta telefonojnë presidentin Thaçi dhe ai ka zell që përherë t’i ndihmojë, ose tash meqë kryeministri ilegal ka shkuar në takim me të mund ta shf4rytëzojunë këtë mundësi për ti bërë votat”, tha Uka.

Uka theksoi se LVV është për të mundësuar zhvillim ekonomik, zhvillim të ndërmarrjeve publike e private.

“Zgjidhja më e mirë për ti ndihmuar qytetarët është që ta dërgojmë në shtëpi këtë qeveri ilegale dhe jo legjitime”, tha Uka.

https://www.facebook.com/FrontOnlineMedia/videos/314968459669576/