Gjermania prej sot kryeson me Presidencën e Bashkimit Evropian (BE), ku gjatë mandatit gjashtë mujor do të merret me tri tema të mëdha, përpos çështjes së sundimit të ligjit dhe luftës kundër korrupsionit në Kosovë, si: Sfidën e pandemisë COVID-19, dialogun me Serbinë dhe çështjen e liberalizimit të vizave. Kështu kanë thënë në një përgjigje për portalin “Front Online” zyrtarët gjerman.
Gjatë presidencës së saj në BE është bërë e ditur se Gjermania do ta mbështesë Përfaqësuesin e Lartë të Bashkimit Evropian, duke e vënë veten në shërbim të një politike të jashtme të bashkuar, të përgjegjshme dhe të fuqishme evropiane.
Shteti i kancelares Angela Merkel poashtu është deklaruar se do të merren me çështjen e tejkalimit të pandemisë COVID-19, përballimin me sukses të pasojave të saj dhe parandalimin e pandemive tjera.
“Kjo do të jetë e mundur vetëm me një bashkëpunim të ngushtë ndërkombëtar”, kanë bërë të ditur ata.
Përndryshe, Gjermania kryesimin e presidencës së BE-së e ka marrë sot nga Kroacia.
/Front Online/
