Një bombolë gazi ka shpërthyer sot në një objekt banesor në komunën e Istogut.
Si pasojë e shpërthimit, tre persona janë lënduar.
Rastin e ka konfirmuar Driton Rugova, zëdhënës i Policisë në rajonin e Pejës.
Ai tha se të lënduarit janë dërguar në QKUK dhe se të njëjtit jashtë rrezikut për jetë.
“Sot rreth orës 15:30 në rrugën “Rexhë Murati” në Istog, në një objekt banesor gjatë punimeve ka ndodhur një shpërthim i bombolës së gazit. Si pasojë e shpërthimit, tre persona janë lënduar të cilët pas marrjes së trajtimit mjekësor në QKMF në Istog, të njëjtit janë dërguar në Spitalin Rajonal në Pejë. Ndërsa, më pas për shkak të natyrë së lëndimeve viktimat janë dërguar në QKUK, në Prishtinë. Sipas ekipit mjeksorë të njëjtit janë jashtë rrezikut për jetë”, tha Rugova për Indeksonline.
Policia e Kosovës dhe zjarrfikësit kanë dalë në vendin e ngjarjes.
