×
  • Lajme
  • Lajme

    Thirrje e Avokatit të Popullit drejtuar qytetarëve për respektimin e Masave për Parandalimin dhe Luftimin e Covid-19

    FrontOnline
    18 Qershor 2020

    Me qëllim të njoftimit për së afërmi lidhur me gjendjen e fundit në vend të shkaktuar nga pandemia dhe zbatimin e masave, Avokati i Popullit, Hilmi Jashari, e ka vizituar Institutin Kombëtar të Shëndetësisë Publike të Kosovës (IKShPK).

    Avokat i Popullit u informua nga drejtori i IKShPK-së, z. Naser Ramadani, me situatën e fundit të shkaktuar nga pandemia dhe sfidat me të cilat ata përballen. Shqetësimi i madh është shprehur për numrin e madh të qytetarëve të infektuar me virusin COVID-19 ditëve të fundit dhe frika për dalje e situatës nga kontrolli.

    Të gjendur në këtë situatë emergjente, bazuar në ngritjen rapide të të infektuarve nga virusi COVID-19 ditëve të fundit, implikimeve në shëndetin publik dhe pa dyshim ndikimin në të drejtën për jetë, ju drejtohem me Apel që, si asnjëherë më parë, me vetë disiplinë, t’i respektojmë në mënyrë rigoroze masat e rekomanduara nga qeveria dhe nga IKShPK-ja, në mënyrë që t’i jepet prioritet respektimit të së drejtës për jetë.

    Edhe pse Kushtetuta e vendit garanton që “Të drejtat dhe liritë themelore të njeriut janë të pandashme, të patjetërsueshme e të pacenueshme dhe janë bazë e rendit juridik të Republikës së Kosovës”, ndikimi i pandemisë në shëndetin e përgjithshëm publik dhe serioziteti i situatës kërkon masa që nuk do të ishin të arsyeshme nën llupën e të drejtave të njeriut në rrethana normale. Në situatën në të cilën gjendemi, të drejtat e njeriut mund të jenë udhërrëfyese për vendime të ekuilibruara në mes mbrojtjes së jetës së qytetarëve dhe të shëndetit dhe, në anën tjetër, mbrojtjen e lirisë së lëvizjes dhe të interesave publike.

    Tashmë është bërë publik edhe “Manuali për mbrojtje nga përhapja e virusit COVID-19”, i nxjerrë nga IKShPK-ja dhe përmban udhëzime të qarta për qytetarët se si duhet të vazhdojnë të mbrohen nga virusi.

    Avokati i Popullit apelon tek të gjithë qytetarët që të respektohen masat e kërkuara e të thjeshta: mbajtja e maskës, e distancës sociale dhe e higjienës personale mund të na largojnë nga kjo situatë për të cilën ende nuk e dimë se si mund të përfundojë.

    T’i përmbahemi masave dhe duke i respektuar të drejtat tona, i respektojmë të drejtat e të tjerëve.

    Nga Rubrika
    Lajme27 Korrik 2025
    Ekipet përfundojnë aksionin për sot, kërkimet për trupin e mërgimtarit i cili u hodh në Ujman do të vazhdojnë nesër. Kërkimet e...
    Lajme27 Korrik 2025
    Gjatë gjashtë orëve të fundit në Kosovë janë raportuar gjithsej 80 vatra zjarri, nga të cilat 35 mbeten ende aktive, ndërsa 45...
    Lajme27 Korrik 2025
    Kryetari i Komunës së Vushtrrisë, Ferit Idrizi, që vjen nga radhët e PDK-së, ka prezantuar aderimin më të ri në radhët e...
    Të tjera
    Bota/Rajoni27 Korrik 2025
    Siria do të organizojë zgjedhjet e para parlamentare nën autoritetet e reja në muajin shtator, njoftoi të dielën kryetari i organit përgjegjës...
    Bota/Rajoni27 Korrik 2025
    Ndërsa ndihmat e diskutueshme nga ajri rifilluan në disa pjesë të Gazës të dielën, disa palestinezë folën për vështirësitë e tyre për...
    Lajme27 Korrik 2025
    Një zjarr i qëllimshëm ka përfshirë një sipërfaqe të hapur me barishte në lagjen Kodra e Minatorëve në Mitrovicë të Veriut, më...
    Lajme27 Korrik 2025
    Kryetari i Organizatës së Veteranëve të Luftës së UÇK-së, Hysni Gucati, i ka komentuar zhvillimet e fundit në Gjykatën Speciale, ku u...
    Lajme27 Korrik 2025
    Gjatë muajit maj, dy kongresiste amerikane qëndruan për vizitë në Kosovë dhe Serbi. Më 30 maj në Prishtinë, republikania Claudia Tenney dhe...
    Lajme27 Korrik 2025
    Lëvizja Vetëvendosje ka konfirmuar kandidaturën e Abdyl Gashit për kryetar të Komunës së Artanës. Sipas VV-së, “Abdyl Gashi është kandidati që përfaqëson...

    FrontOnline, © 2025 Të gjitha të drejtat e rezervuara.