Presidenti i Kosovës, Hashim Thaçi, ka thënë se është shumë i lumtur që sot në Prishtinë u jetësua angazhimi shumë vjeçar i senatorit amerikan, Bob Dole, për Kosovën, përmes vendosjes së bustit.

Thaçi thotë se Dole është hero i gjallë i popullit amerikan dhe popullit të Kosovës.

Reagimi i plotë:

Tri dekada më parë filloi një epokë e re në marrëdhëniet e popullit të Kosovës me Shtetet e Bashkuara të Amerikës. Delegacioni i Senatit të SHBA-së, i udhëhequr nga miku i madh i Kosovës, Bob Dole, solli mesazhin e mbështetjes amerikane për popullin tonë. Jam shumë i lumtur që angazhimi shumëvjeçar i senatorit Dole për Kosovën, sot po përjetësohet në qendër të Prishtinës përmes inaugurimit të bustit të tij. Bob Dole është hero i gjallë i popullit të SHBA-së dhe i popullit të Kosovës! HTH