Thaçi në Ditën Botërore të Refugjatëve: Si popull e dimë si është largimi nga atdheu

Presidenti i vendit, Hashim Thaçi në ditën botërore të refugjatëve ka thënë se sot kujtojmë të kaluarën tonë të hidhur.

Ai, ka thënë se forcat policore dhe ushtarake serbe dëbuan dhunshëm nga shtëpitë e tyre mbi 1 milionë shqiptarë.

“Në Ditën Botërore të Refugjatëve kujtojmë të kaluarën tonë të hidhur. Me dhimbje kujtojmë spastrimin etnik, ku forcat policore dhe ushtarake serbe dëbuan dhunshëm mbi 1 milion shqiptarë nga shtëpitë e tyre. Jemi krenarë që i përballuam me dinjitet ato vite të vështira dhe përherë do u jemi mirënjohës të gjithë atyre që na mbështetën dhe na u gjenden pranë”, ka shkruar Thaçi në profilin e tij në Facebook.

Sipas tij, kosovarët e kanë përjetuar shumë vështirë largimin nga atdheu.

“Si popull e dimë më së miri sa vështirë është të largohesh nga atdheu, prandaj sot solidarizohemi me të gjithë ata që janë refugjatë nëpër botë. Në këtë ditë simbolike kujtojmë edhe qershorin e vitit 1999 kur qytetarët tanë u kthyen masivisht në atdheun e çliruar”, ka thënë Thaçi.

Sipas tij, atdhedashuria e madhe e qytetarëve ishte dëshmi e forcës së popullit dhe kombit tonë për t’u rimëkëmbur, duke nisur gjithçka nga fillimi.

Është koha të shijojmë çokollatën më të mirë..

Sponsoruar