Një tërmet me magnitudë 4.6 i shkallës Rihter është ndjerë në Elbasan, Lushnje, Tiranë e Fier. Lëkundjet sizmike u shënuan në orën 01:25 ndërsa epiqendra ishte 27 kilometra nga Elbasani. Vetëm 3 minuta para tij, në 01:22 pati lëkundje sizmike me magnitudë 3.1 të shkallës Rihter.
Pavarësisht rreshjeve të shiut në qytetin e Elbasanit, raportohet se qytetarët kanë dalë në rrugë në panik nga lëkundjet që kanë ndjerë.
Kujtohmë se 1 vit më parë, më 26 nëntor 2019, Shqipëria u godit nga një tërmet me magnitudë 6.4. Tërmeti i 26 nëntorit preku kryësisht Durrësin dhe Thumanën, dy zonat me më shumë viktima, nga 51 jetë të humbura që shënoi.
