×
  • Lajme
  • Lajme

    Takimi Kosovë-Serbi ende pa datë, s’dihet as për fatin e Asociacionit

    FrontOnline
    01 Tetor 2020

    Akoma nuk dihet se cilado të jetë data për mbajtjen e takimit të ardhshëm të Avdullah Hotit, kryeministrit të Kosovës, dhe Aleksandar Vuçiqit, Presidentit të Serbisë, për dialogun në Bruksel.

    Peter Stano, zëdhënësi i BE-së, ka deklaruar për klankosova.tv se janë duke punuar në caktimin e datave dhe agjendës së takimeve të ardhshme të BE-së me përfaqësues të Prishtinës dhe Beogradit.

    “Puna është në vazhdim e sipër për përgatitjen e takimeve të mëtejshme në kuadrin e dialogut.”

    “Ne do të shpallim datën dhe agjendën e takimeve të ardhshme – qoftë në nivelin e ekspertëve apo në nivelin e lartë politik – kur është e përshtatshme”.

    Takimi i fundit që ishte paraparë të mbahej më 28 shtator në Bruksel për dialogun ishte shtyrë për një datë të pacaktuar.

    Ishte Miroslav Lajçak, i dërguari i posaçëm i Bashkimit Evropian për bisedimet Kosovë – Serbi, i cili bëri me dije se shtyrja e takimit u bë “për shkak të masave të kujdesit përballë situatës me COVID19”, takimi i shefave të ekipeve negociuese ishte shtyrë.

    Temë e këtij takimi pritej të ishin diskutimet për çështjen e pronave dhe ato financiare ne mes dy vendeve. Por, se nga ekipi serb i dialogut ishte thënë se Asociacioni i Komunave me shumicë serbe ishte në mesin e pikave.

    I pyetur rreth asaj se a do të jetë temë diskutimi në takimin e ardhshëm në Bruksel, Asociacioni i Komunave Serbe, Stano theksoi se “Çështja e aranzhimeve për komunitetin jo-shumicë – Asociacion/ Komuniteti duhet të adresohet si pjesë e Marrëveshjes Gjithëpërfshirëse siç është rënë dakord në takimet e para të liderëve në korrik 2020 dhe të ri-konfirmohet në raundin e fundit më 7 shtator 2020”.

    Nga Qeveria e Kosovës për klankosova.tv deklaruan se qëndrimi i tyre është i njëjtë me atë të Avdullah Hotit, kryeministrit të vendit, i cili ka thënë se tema e Asociacionit është e mbyllur dhe nuk do të diskutohet.

    “Qëndrimi i Qeverisë së Kosovës është i njëjtë me atë të Z. Hoti, asociacioni është mbyllur me është e mbyllur me marrëveshjen e vitit 2013 dhe më pastaj me marrëveshja tjetër të parimeve më 2015”.

    Presidenti serb Aleksandar Vuçiq, para një jave deklaroi se Beogradi është i gatshëm për bisedime me Prishtinën në Bruksel dhe se Asociacioni i Komunave Serbe është një temë e pashmangshme.

    “Ne jemi gati të flasim.Asociacioni i komunave serbe është një temë e pashmangshme dhe ne do të këmbëngulim për këtë,” tha Vuçiq kur u pyet nga gazetarët nëse do të kishte një takim në Bruksel më 28 shtator, pas raportimeve se mund të shtyhet takimi.

    Nga Rubrika
    Lajme02 Qershor 2025
    Dy muaj më parë, 42-vjeçari Fahri Ademi u plagos nga të shtënat me armë zjarri gjatë një grabitje të armatosur në Veternik....
    Lajme02 Qershor 2025
    Në Shqipëri, paga mesatare mujore bruto për vitin 2024, sipas INSTAT, arriti në 77.5 mijë lekë/ muaj ose rreth 770 euro. Në...
    Lajme02 Qershor 2025
    Paga mesatare bruto në vitin 2024, sipas aktiviteteve ekonomike, më a larta ishte te: Furnizimi me energji elektrike, gaz, avull dhe ajër...
    Të tjera
    Lajme02 Qershor 2025
    Presidenti serb, Aleksandar Vuçiq, ka thënë të hënën se shteti që udhëheq ai është përballur me “tentim të organizuar mirë për puç”...
    Lajme02 Qershor 2025
    Shefja e inteligjencës shqiptare, kosovarja Vlora Hyseni ishte në Shtetet e Bashkuara të Amerikës, ku u takua me John Ratcliffe, drejtorin e...
    Lajme02 Qershor 2025
    Kuvendi i Kosovës ka njoftuar zyrtarisht se seanca e radhës do të mbahet të mërkurën, më 4 qershor, duke shënuar kështu përpjekjen...
    Lajme02 Qershor 2025
    Korporata Energjetike e Kosovës ka njoftuar se nga 1 qershori deri më 30 korrik do të furnizojë bizneset e mëdha që kanë...
    Lajme02 Qershor 2025
    GP Aviation dhe PrishtinaTicket nga data 4 prill 2025 ka nisur fluturimet direkte Prishtinë- Paris- Prishtinë. Tani çdo të hënë dhe të...
    Lajme02 Qershor 2025
    I është vënë gur themeli i objektit të Institutit Special në fshatin Zborc të Shtimes. Kryeministri i Kosovës, Albin Kurti, tha se...
    -->

    FrontOnline, © 2025 Të gjitha të drejtat e rezervuara.